محمد رسول الله

الخميس، 9 يونيو، 2011

أنا اخترتك من زمان



الحوار طوييييل
لكن ممتع 
أنا لا أملّ أبدا من سماع الشيخ
لو حد زهق بدرى ولم يكمل الحوار يبقى خسر كثيييير
(هذا رأيى) على رأى أخونا ماجد القاضى


مع الفارق الشاسع فى المستوى الثقافى(وفى كل حاجة) للشيخ حازم صلاح ومن يجلسان معه

ورغم أسلوب التصيد ومحاولة حصر الحديث مع المرشح الرائع .. فى الخمور والقمار وشواطئ العراه وتولى المسيحيين للمناصب العليا هى هى  نفس الأسئلة اللى حفظناها ..ملاعيب شيحة  يمارسها الإثنين لكى يحصلوا على إجابات معينة للوصول إلى الصورة النمطية التى يريدون بها إرهاب الناس من الإسلام والحلال والحرام

ولكن عندى خبر مهم وخطير

 (الناس بتحب الإسلام ومش بتخاف منه) 

يارب تفهموا

يارب يكون عندكم شجاعة الإعتراف إن الخوف من شرع الله موجود عندكم أنتم 
فى قلوبكم انتم
والشعب المصرى منه براء
الإنسان عدو ما يجهل
وأنتم تجهلون مدى الخير والفلاح فى اتباع شرع الله

أعجبنى المرشح الرائع (المسلم) فى ثباته ووضوحه  وأسلوبه الراقى الذى للأسف لا يرقى إليه محاوراه 

لك حق تخاف ياعمرو حتتحرم من الأحضان الدافئة
لا أخفى تأييدى بنسبة 100% للشيخ حازم صلاح أبو إسماعيل الداعية الذى كنت أنتظر برامجه بفارغ الصبر وكأنها بلسم شافى أو يد حنون تربت على كتفى وتعطينى الأمل

والآن أؤيد بنفس النسبة المرشح للرئاسة الدكتور حازم صلاح أبو إسماعيل الذى أدعو الله أن ينصره ويؤيده فيكون أول رئيس لمصر بعد الثورة

قولوا آآآآآمين


وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ 






هناك 21 تعليقًا:

سواح في ملك الله- يقول...

السلام عليكم
بصرف مين هيبقي المرشح او الرايس

لم يحرم الله تعاي عنا شيئا الا وكان ذوا تاثير

ضار علي الانسان

فانا لااري عيبا في تحريم وتجريم الخمور صراحة

فانا اراها اخطر من المخدرات ولا انفي ايضا

خطورة المخدرات

ولكن الخمور تنتج مجرمين

والمخدرات في المرتية الثانية

اما مبرر انه للسياحة

فالسائح لاياتي الي هنا كي يشرب خمور

فهو ياتي ليستمتع بالاثار المصريه

والجو المصري الدافئ وما المانع ان يلتزم

السائح بتقاليد البلاد الذي يزورها

بل بالعكس فالسائح منضبط جدا وملتزم

وحين يري شيئا ممنوعا في مكان ما يذهب اليه

فانه لايفعله

ثانيا فكل محرمات الله لم يحرمها رب العالمين

الا من اجل صلاح الانسان واعماره الارض

تحيتي ياحرة

المنشد أبو مجاهد الرنتيسي يقول...

بسم الله وبعد
(ولله العزة ولرسوله وللمؤمنين ولكن المنافقين لا يعلمون)
نسأل الله عز وجل أن يولي علينا جميعا حكاما ربانيين يحكمون بكتاب الله وسنة رسوله حتى نفوز بالعزة والكرامة في الدنيا والاخرة

بوركت أختنا في الله على الطرح
أبو مجاهد الرنتيسي
أحلام الرنتيسي

نور الدين يقول...

احسبه على خير ولانزكيه على الله
وموقفه من غزة يظهر ولاءه لأمته
ناهيك عن علمه العريض وعقله الحكيم
هو لها إن شاء الله
وليخافوا وليرتعبوا وليعضوا اصابع الغيظ فإن الله بالغ أمره

وجع البنفسج يقول...

اعذريني بس انا اول مرة اعرفه او حتى اسمع اسمه ، بس هو اكيد انسان محترم طالما انت بتشجعيه وبتحبيه ، ربنا يوليها للصالح يارب ..

:::

بالنسبة للفيديو ، طالما انه طويل حبتين راح اعمل مج نسكافيه واقعد اتفرج عليه براحتي .. اما بالنسبة للاخ عمرو أديب ، مش عارفة انا ليه مابطقهوش الشمعة الوزة المفلطحة ده " ماعرفش ايه كمان !"

الاحلام يقول...

موضوع مهم جدا لكن اعتقد ان الامور ستضصح اكثر واكثر فى الفتره القادمه
دمتى بخير تقبلى تحياتى الاحــــلام

ماجد القاضي يقول...

السلام عليكم

بقالي كذا يوم عاوز أشوف اللقاء ومش عارف، بس يبدو مقدر لي أشوفه هنا...!

قبل ما أقعد اشوفه على رواقه (بيحمل دلوقتي).. فكرتيني بكلماتك بالأديب (العااااالمي) الأسواني.. كان فيه لقاء بين الكتاتني عن حزب (الحرية والعدالة) ويسري فودة، والكتاتني قال كلام جميل جدا في الاقتصاد والاجتماع والسياسة الدولية والإعلام وووو لدرجة أن يسري فودة انبهر وقال: والله لو هتعملوا الكلام ده يبقى أحطكم فوق راسي..!
ثم دخل في الحوار عمنا الأسواني، فساب كووووول ده وجاب من على الرف شوية الشبهات المعلبة والحمضانة وأول سؤال سأله: إيه رأيكم في موضوع الخلافة؟!!!

طبعا الكتاتني أفحمه بالرد.. لكن بجد كان نفسي أتصل وأقوله: بطل خيابة..!!

طبعا أنا ما سمعتش اللقاء، فمش هقول رأيي فيه دلوقتي.. تحياتي..

أنا حرة يقول...

أخى سواح
وعليكم السلام ورحمة الله وبركاته
قطعا ليس هناك أى عيب فى أن نجهر بتحريم ماحرم الله واللى مش عاجبه عنده البحر الأحمر فى الشرق والبحر الأبيض المتوسط فى الشمال ... بجد مش عارفة المفروض اللى يرفض شرع ربنا ويناقشه هو اللى يتوارى من الناس خجلا ويحط وشه فى التراب
أعذرنى اصلى مفروسة من إنقلاب المعايير
أنا مبسوطة قوى غنى لقيت واحد قاعد يتكلم بمنتهى الثقة والثبات وبيقول اللى نفسنا نقوله وياريت يحط صباعه فى عين الإثنين اللى قصاده لأنهم مستفزين قوى
على فكرة حكاية ان السواح بيحبوا الخمر والعرى مش رأيهم لوحدهم ده كلام مسلمين تانيين بيقولوا نفس الكلام وعلى فكرة(بيشربوا الخمر)
كلامك مضبوط تماما ربنا يعزك لكن نعمل إيه فى النفوس المنهزمة؟؟
تحياتى

أنا حرة يقول...

أخى الكريم أبو مجاهد
أختى الفاضلة أحلام

(نسأل الله عز وجل أن يولي علينا جميعا حكاما ربانيين يحكمون بكتاب الله وسنة رسوله حتى نفوز بالعزة والكرامة في الدنيا والاخرة)
آآآآآآآآآآآآآآآآآمين
ربنا يبارك فيكم
تحياتى وتقديرى

أنا حرة يقول...

أخى نور الدين
صدقت فى رأيك فيه هو كذلك نحسبه على خير ولا نزكيه على الله
أتمنى أن يفوز فعلا أراه أفضل المرشحين حتى الآن يجمع بين أمور الدين والدنيا
ربنا ينصره ويؤيده
تحياتى أخى الكريم

أنا حرة يقول...

أختى الحبيبة وجع البنفسج
أضحك الله سنك
لأ بجد ضحكتينى بحكاية الوزة المفلطحة ديه
على فكرة ناس كثير رأيها فيه زيك (مش بيطيقوه) هو ثقيل الروح فعلا وقد عرفته عن قرب .. سبحان الله حاجة صعبة قوى والطيور على أشكالها تقع نفس (خفة الروح) متوفرة فى زوجته لاميس الحديديى
على فكرة الشيخ حازم صلاح ابو إسماعيل داعية معروف جدا فى مصر (لمن يتابعون القنوات الدينية) وله شعبية كبيرة
أشكرك على حسن ظنك فى رأييى
ضرورى تعملى نسكافيه عشان ده حوار لازم يتسمع (بمزاج)
تحياتى غاليتى

أنا حرة يقول...

الأحلام
اهلا بك أخى الكريم
الموضوع مهم فعلا ..أنا شخصيا كتبت عن الشيخ لأنى أؤيده من أول إعلانه عن الترشح وده اول لقاء اسمعه فيه (على حد علمى) وما صدقت لقيته لأنه يؤيد وجهة نظرى فى الشيخ.. وطبعا لسه (الطاحونة) لم تبدا بعد ... الصراع سوف يكون على أشده فى الفترة القادمة وإن شاء الله يولى الصالحين يارب
تحياتى أخى الفاضل

أنا حرة يقول...

أخى ماجد
وعليكم السلام ورحمة الله وبركاته
بص بقى ...أنا بنت بلد وبحب اتكلم على راحتى عندك حق فى كلمة (عالمى) ديه :):)
ياأخى ديه عالم تعبانة
كان نفسى أقول هى هى الأسئلة اللى (طفحناها) ... يعنى متآمر وغبى .. متآمر على دينه وغبى فى أسئلته المكررة وده ينطبق على الأسوانى وأديب واللى شبههم جاتهم القرف ملوا البلد .. شايف التفاهة والسطحية فى الأسئلة وطريقة الحوار بتاعة (القهاوى) والله أنا كنت مشفقة على الشيخ بدماثة أخلاقه ورقيه وسماحة وجهه وخلقه وهو قاعد مع الأشكال ديه ... والله مش مستواه يقعد معاهم ابدا لكن للضرورة أحكام
اعذرنى انا عارفة انك مش بتحب الكلام بالعامية بس فيه مواقف ما ينفعش فيها إلا كده ه:)
كويس انك شفت الحوار عندى عشان تشرفنى بالزيارة وقت طويل
تحياتى أخى الفاضل

أنا حرة يقول...

أخى نور الدين
على فكرة فين المدونة؟؟؟
انا مش عارفة أدخل خالص إيه المشكلة

Tamer Nabil Moussa يقول...

ولكل وقت ادان

وانا متفائل خير

وان شاء الله الجاى افضل

مع خالص تحياتى

مجداوية يقول...



السلام عليكم

بداية أشكرك الشكر الجزيل لسؤالك عني وتمنياتك الطيبة لي بالنجاح . ربنا يبارك في عمرك وفي بناتك يارب

متابعة لما تكتبين وكل موضوع أقرأه أبتسم سعادة ورضا أنك تقولين كل ما يمكن أن يقال فأنتشي فرحا بك وبقلمك أختي الحبيبة
فاجأني الشيخ حازم بفكره الراقي وموقفه الباتر وصدقه ورأيه الشجاع أمام هذين الفسلين اللذين فشلا بحمد الله أن يوقعا به وهذا دليل على ذكائه وتحضيره الجيد لما سيقول

فاحترمته كمرشح للرئاسة كما كنت وما زلت أحترمه كشيخ جليل
وإن شاء الله سأختاره بدلا من الدكتور عبد المنعم أبو الفتوح بعد أن صدمني في أكثر من لقاء لعدم وضوحه ولتنازلاته المتتالية لكسب رضاء الكل وهذا مستحيل فيما يشبه النفاق
وهو ما حذر منه الدكتور حازم وهو عدم الوضوح وعدم القوة في الحق
نسأل الله أن يولي علينا خيارنا وأن يوفق كل من كان نيته وهدفه إعلاء كلمة الحق

ابن الإيمان يقول...


بسم الله والصلاة والسلام على رسول الله:
السلام عليكم اختنا الحره الكريمه..:
رغم بطء النت عندي فانا احاول جاهدا مشاهدة الفيديو للاطلاع على محتواه..(بعد إشادتك بمحتواه المفيد والمنعش لكل مسلم حقيقي)
سعيد جدا جداانك اليوم (وأخيرا)وجدت في عالمنا ما يجعلك سعيده ومتفائله بحدث مثل هذا..وبشخصيه تحبينها مثل الشيخ الداعيه (المحامي ) عضو جماعه اسلاميه وواعي ..(الحقيقه لم اكن اعرفه سابقا)..
نسال الله تعالى ان يكثر من امثاله ليشفوا غليلنا جميعا من الامعات و(الفسائل) على راي اختنا الكريمه (ماجده)..:)
أختنا الحره الكريمه:
أسال الله تعالى أن يهبنا من لدنه ولاة أمر يعطفون على الامه ويحملون همها , سائرين على خطى اسلافهم الاماجد (الخلفاء الراشدون) وما ذلك على الله ببعيد..
تفاؤلي مبني على الاحاديث الشريفه المبشره بخلافة راشده بعد الحكم العضود (الذي مررنا به..)..
اسمحيلي اختي الكريمه ان احيي كل اخوتنا واحبتنا هنا من على صفحتك المحترمه..
..
اسمحيلي استغل فرصة ظهور قلم نور الدين عندك هنا..
انا مثلك مرتبك مما يفعله نور بحجب مدونته عنا بين فترة واخرى..
بداية :
يهمنا الاطمئنان عليه شخصيا..
وثانيا:
نود ونتطلع (بشغف ) أن يضعنا في الاسباب وفي الجو الذي يفرض عليه حجبها ..
خاصة موضوعه الاخير كان لي فيه مداخلات أحببت ان اراها وارى نتائجها ..للاسف حجبت المدونه كلها بتعليقاتها ومواضيعها ..دون بيان للسبب..
اطلعت بعد البحث على رسالة الوداع الاخيره التي كتبتها اخانا الكريم (نور الدين)...
هل ستوضح لنا الامور أم انها امور خاصة لا يصح لنا الاطلاع عليها..؟؟؟
إذا كان الامر كذلك..فانا اعتذر بشده لك عن تساؤلاتي هنا..
كما ارجو المسامحه من اختنا الكريمه(الحره)على خروجي عن النص هنا..
لكن من لا يعرف ..
فإن نور الدين مهم لنا(كإسلاميين) ومدونته كذلك..


ملاحظه..:
هل تعلمون ان طول الفيديو (235 ميجا بايت)....!!وااو..لن يستطيع خطي النتي جلبه لي حتى باسبوع كامل..لا حول ولا قوة الا بالله..:)
مش مشكله على الاقل نشوف وجوه(الفسائل المحنطه ديه..:)من شان نعرفها كويس..
وكذلك الفائده الاعم ان نتصبح بطلعه كريمه لاسلامي فاهم دينه وقادر على المحاوره القويه مع خصوم الدين المذبذبين...

أختي الحره:
بارك الله بك وأعزك وتقبل منك..واعانك

دومي بخير ومن تحبين..
السلام عليكم ورحمة الله وبركاته

اخوكم

ابن الايمان

أنا حرة يقول...

تامر نبيل موسى
أهلا وسهلا بك أستاذى الفاضل
وأنا أيضا متفائلة مثلك
إن شاء الله يكون القادم أفضل بكثير
تحياتى لك وشكرا على المرور الكريم

أنا حرة يقول...

تامر نبيل موسى
أهلا وسهلا بك أستاذى الفاضل
وأنا أيضا متفائلة مثلك
إن شاء الله يكون القادم أفضل بكثير
تحياتى لك وشكرا على المرور الكريم

أنا حرة يقول...

أختى الحبيبة ماجدة
وعليكم السلام ورحمة الله وبركاته
أهلا بك اختى الحبيبة نورتى المدونة
إيه أخبار الإمتحانات؟؟
انا عارفة إنك شطورة ومن الأوائل إن شاء الله
سعيدة قوى إنك متابعة لما أكتب لأنى أحب دائما أعرف رأيك ..
ربنا يبارك فيك يارب ويعزك
كلامك مضبوط جدا عن الدكتور حازم ورؤيتك فى محلها ..هو ده نفس إنطباعى عن الحوار .. الشيخ كان رائع وثابت وواثق من نفسه أمام (الفسلين)
وأنا زيك بالضبط غيرت رأيى من أبو الفتوح إلى الشيخ حازم لثباته هذا وإنه لا يمسك العصا من المنتصف لإرضاء الجميع
عايزين حد يكون بتار كالسيف راسخ كالجبل لا يتنازل ولا يتزعزع عن شرع الله ولا يحابى أحد على حساب ما يرضى الله
تحياتى غاليتى ودمت بخير يارب

أنا حرة يقول...

الكريم الفاضل إبن الإيمان
أتمنى أخى أن تستطيع مشاهدة الفيديو
سوف ينعشك أنت أيضا
وصدقت فى ظنك أخى الفاضل رؤية وسماع شخصيات مثل الدكتور حازم صلاح فى هذه الأيام هى فعلا مما يسعد القلب .. وأنت تعلم أخى الكريم أن الأحداث السعيدة للمسلمين نادرة حقا ..أم أننى متشائمة؟

حقيقة نادر جدا أن أسعد وأطرب لشىء فشكرا على مشاعرك الطيبة أخى بارك الله فيك وفى اهتمامك

أما بالنسبة لأخونا نور الدين
فهذا الحرص والإهتمام ليس بغريب عن أخونا الكبير مقاما وقلبا إبن الإيمان
هذا دأبك مع كل إخوتك وأخواتك من المسلمين
أضم صوتى لصوتك وأؤيد كل حرف كتبته عن أهمية شخص أخونا نور الدين وقلمه السيف البتار ومدونته المميزه حقا ونحن مثلك نريد الإطمئنان عليه قبل كل شىء دون أن نزعجه أو نقحم أنفسنا فى شؤونه
نتمنى منه أن يرد علينا بما يشفى غليلنا ولا يحرمنا قراءة موضوعاته ومشاركته أفكاره
أسعدنى جدا إهتمامك وتشريفى بالسؤال عن نور الدين من هنا ونحن ننتظر منه ما يزيل عنا القلق
أخى الفاضل
ندعو الله أن يتم فضله علينا بأن يتولى أمر مصر شخص مثل الدكتور حازم وأن يصلح أمور جميع المسلمين حتى تكون خلافة راشدة بإذن الله تعلى راية الإسلام والحق
بارك الله فيك وأعزك وجزاك خير الجزاء
تحياتى وتقديرى

مهاترات عاقل يقول...

السلام عليكم
دى بشرة خير وأنا شايف أننا ماشيين فى طريق معبد الى نشر الحق وتحكيم شرع الله وتوليه الصاحلين...كذلك نظنهم

لذلك أرى أنه وجب علينا العمل بالحكمة

الكلاب تعوى والقافله تسير

فدعونا من الساخرين ..دعونا من المستهزئين
الحكم فى النهايه كما حددوا هم سيكون الى الصناديق

Related Posts Plugin for WordPress, Blogger...