محمد رسول الله

الثلاثاء، 3 مايو 2011

قصة ولا مناظر؟؟؟؟؟؟



شوفوا الهلع اللى المذيعة (ريم ماجد) (المحترمة) فيه 
مصيبة كبيييييييييييييييييييييييييرة
حد يلحقنا
خلاص القبلات والأحضان ...بح
خلاااااااااااااااااااااااااااااص    إحنا رايحين على أفغانستان وإيران
طيب إزاى ؟؟؟
إحنا إتربينا على الأفلام ديه ومافيش  أى مشكلة !!!!
طول عمرنا بنشوف قلة الأدب والمسخرة
??????so what
طالما بنشوفها إحنا وولادنا  مع بعض  ومافيش أى feelings
الولاد والبنات زى الفل فى الشوارع والجامعات
الحل الوحيد إن يكون فيه تصنيف للأفلام
يعنى نقول الفيلم ده كله مناظر 
يعنى ما ينفعش لأقل من 18 سنة
وديه طبعا إشارة إن كل اللى أقل من 18 سنة يلحق يتفرج
وبعدين إشمعنى 18 سنة يعنى؟؟؟؟؟
طيب فى( أوروربا والدول المتقدمة) البنت عند السن ده ممكن تستقل وتعيش لوحدها ويكون لها (صديق) وتقدر تمارس معاه (الحب)
لكن فى (الشرق والدول المسلمة)  لكل دين خلق وخلق هذا الدين الحياء
 الحياء شعبة من الإيمان
 الحياء مطلوب  قبل 18 سنة 
وبعد 18 سنة 
ولغاية ما نموت
الحيـــــــــــــــــــــــــــــــــــــــــــــــــــــــــــاء
ياترى سمعتى إنت وأمثالك عن الكلمة ديه  قبل النهاردة؟؟؟؟؟
الحيـــــــــــــــــــــــــــــــــــــــــــــــــــــــــاء
ياعديمى الحياء





وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ 







هناك 26 تعليقًا:

مازن الرنتيسي يقول...

بسم الله وبعد
بوركت أختنا في الله على الطرح الطيب
حسبنا الله ونعم الوكيل
الحياء علامة تدل على ما في النفس من الخير وهو إمارة صادقة على طبيعة الإنسان فيكشف عن مقدار بيانه وأدبه
أما هؤلاء الذين يحددون أقل من 18 عام بحياء وبعد 18 عام بلا حياء كلامهم مردود عليهم فديننا الحنيف دين الحياء ولكن أكثرهم لا يعلمون

إخوانك في الله
أبو مجاهد الرنتيسي
أحلام الرنتيسي

Emtiaz Zourob يقول...

شر البلية مايضحك ..

الحياء يجب أن يكون مع الاطفال دون سن 18 أما لما فوق الـ 18 مسموح قلة الحياء .. عجبي لهذا الزمان الذي نعيش فيه ..

دمت بخير وبعز اختي حرة ..

esraa يقول...

السلام عليكم
مش عارفة اقول ايه!!!!!!!!!!!!!
يعنى اقول حسبى الله و نعم الوكيل اكيد هقول كده
بس فيه كلام كتييييييييير جوايا عايز يطلع
بس اخاف لسانى يغلط.....على العموم حسبى الله و نعم الوكيل تكفيها....
بس لو تمسكنا بديننا هيخلينا افغانستان اهلا بعيشة الافغان و نعم العيشة اللى هتخلينا نضاف نحترم نفسنا نرضى ربنا ......
واهلا بعيشة الايرانيين لو ده سبيل رضى ربنا عننا
جزاك الله خير و عافاكى من ارتفاع الضغط.

ابراهيم رزق يقول...

بدون تعليق

تحياتى

Unknown يقول...

السلام عليكم

يا شيخة حرام عليكي.. ظلمتو الراجل.. مش لازم تتثبتوا الأول من الأخبار؟!!!!

لقد سارع سامي الشريف (رئيس التليفزيون المصري)-الله لا يبارك فيه- بتكذيب الخبر لكل من موقع (مصراوي) وموقع mbc.net، وهذه مقاطع من تصريحاته:
- "لسنا متخلفين لنحذف (القبلات)".
- "الأفلام والمواد السينمائية تراث مصري لا يمكن العبث به بأي شكل، أو تحت أي ظرف".
- "من يقل مثل هذا الكلام مغرض ويريد أن يثير بلبلة، وإللي عنده دليل يأكد هذا الكلام فليظهره".
- "لم ولن أتخذ قرارا متخلفا بهذا الشكل، الذي وإن دل على شيء فإنه يدل على حجب حرية الإبداع، وتدمير تراث السينما المصرية".
..............
أما الناقد الفني (نادر عدلي) يرى أن هذا القرار بمثل إجهاض للسينما المصرية وعودة بالوراء لقرون طويلة، وقال: "إذا كان بعض الأشخاص يرى أن مشاهد القبلات (قلة أدب)، فالقرار هو (قلة أدب) بعينه ومن حقه عدم عرض الأفلام كاملة، لكن ليس من حقه أن يحذف مشاهد مؤثرة منها".
...................
بينما اعتبر المنتج أحمد السبكي أن هذا القرار لو اتخذ فعلا فإنه يدل على انتماء دكتور سامي لجماعة الإخوان المسلمين (!!!!!!!)، وسيؤدي إلى اتجاه الجمهور للقنوات الفضائية الخاصة والابتعاد عن التلفزيون المصري.


تحياتي أختي الكريمة على غيرتك الدائمة للدين والأخلاق الفاضلة.

افروديت يقول...

حاجة تقطع القلب


بحس أن أحنا في وادي والناس اللي مهتمة بالتفاهات دي في وادي أخر


أحناعندناميت مليون حاجة أهم من حسرة ريم علي المناظر

تحياتي ليكي

faroukfahmy يقول...

انا حرة
اين حكيم النفوس ليرى الحياء فى وقته الضائع
ضاع فى مصرنابين قوم نيام لا يقظون الا على خدش الحياء
اين انت ياحكيم النفوس لترى الذين لم يفيقوا فى امة.. الاخلاق فيها تحتضر و السعى فيها بلا جدوى
دمتى اختى حرة

سواح في ملك اللــــــــــــــــــه- يقول...

لاول مرة اتفق معاكي اتفاق كلي
انا اتفرجت علي ابورنامج ده
واستغربت اوي ان الاحترام بقي عيب
تحيه مني للاستاذ سامي الشريف وربنا يكتر من امثاله

ابن الإيمان يقول...


بسم الله والصلاة والسلام على رسول الله.:
السلام عليكم..
حقيقه شيء يضحك وشيء يبكي..!!!
انا تابعت هالمحطه بعد الثوره ..
ريم(المحترمه...!!!) قالت كده؟؟؟؟
أمال الفلتانين حيقولوا اييييه!!
منها لله..الله يهديها..
الفلتانين..مش عارف بتشابه كلمه ثانيه..مش عارف ايييه هييه..بس طلعت عالسليقه كده....أيوه افتكرت..
فلتانين شبه كلمة (فنانين..)...:)..مش قلت لكم شر البلية ما يضحك..

اقتبس عبارتك:
الحيـــــــــــــــاء.....يا ال....
,,,,




البعدا....

وأتمم عليها بعد اذنك اختي الحره..
قولي لهم:
وإذا لم تستح فافعل ما شئت...برضه دي تييجي هنا صح ..

اقتبس من تعليق الاخ ماجد على لسان(اسمه اييه دا..؟؟آه سامي الشريف..)!! الواحد بيتذكر سامي يوسف..
شريف ..وبيقول الكلام دا!!!!

المهم:
((- "لسنا متخلفين لنحذف (القبلات)".
- "الأفلام والمواد السينمائية تراث مصري لا يمكن العبث به بأي شكل، أو تحت أي ظرف".
- "من يقل مثل هذا الكلام مغرض ويريد أن يثير بلبلة، وإللي عنده دليل يأكد هذا الكلام فليظهره".
- "لم ولن أتخذ قرارا متخلفا بهذا الشكل، الذي وإن دل على شيء فإنه يدل على حجب حرية الإبداع، وتدمير تراث السينما المصرية".))

هههههههههههههههههه
سامحوني ..لان تعليقي ولما فكرت بالهيافه بتاعته دي(صححوني اذا الكلمه مش صح) أنا ابتدائي لغه مصريه..:)..
أقول:
((- "لسنا متخلفين لنحذف (القبلات)".))

ماجد قال: الله لا يبارك فيه..وأنا أقول: الله ينتقم منه..
صارت القبلات عالهوا....(تحضر ) لعنة الله على المفسدين..
يا جماعه..البشر(حذفت كلمه ثانيه اصدق..) دول حيصحوا ايمتى؟؟؟؟!!(عفوا رفعوا ضغطي.).يا جماعه الغرب اللي علمهم قلة الحيا بدا يرجع للاخلاق وهم لسا عايشين بالزرايب بتاعة عقولهم المعفنه...
يا جماعه حتى التدخين اعترف الغرب انه خطر وهؤلاء نايمين وبيعتبروه حضاره....!!!!

- "الأفلام والمواد السينمائية تراث مصري لا يمكن العبث به بأي شكل، أو تحت أي ظرف".

مرة ثانيه:
هي دي الحضاره والتراث بتاعة حضرة جنابه؟؟!!
أومال العلوم والادب ايشس بيسميهم؟؟تخلف يعني..!!!
يعني فيفي عبدو ونجوى فؤاد قمة الهرم عندنا؟؟؟!!
عفوا شي بيرفع الضغط..

- "من يقل مثل هذا الكلام مغرض ويريد أن يثير بلبلة، وإللي عنده دليل يأكد هذا الكلام فليظهره".
- "لم ولن أتخذ قرارا متخلفا بهذا الشكل، الذي وإن دل على شيء فإنه يدل على حجب حرية الإبداع، وتدمير تراث السينما المصرية".

آه.. ونسي يقول : انه عدو للثوره ومن فلول مبارك ومن البلطجيه كمان اللي ما عندهم ذوق (فني..تراثي ..حضاري...!!!)

حقيقه: الموضوع ان دل فيدل على هيافة وتفاهة كثير ممن يتقلدون مناصب عاليه ومواقع اجتماعيه مرموقه في عالمنا العربي..
ولكم الله ايها المؤمنون اصحاب الحياء والاحرار من تبعية الرذائل والشهوات...

شكرا

وفعلا طولت..

آسف..

ابن الايمان

مسلمة حرة يقول...

أخى أبو مجاهد
أختى أحلام
أهلا بكما
صدقت أخى و(أختى) فى قولكما عن الحياء
رزقنا الله الحياء نحن وبناتنا وأبناءنا
دمتما على خير وحياء
بارك الله بكما

مسلمة حرة يقول...

وجع البنفسج
نعم هذا رأينا نحن أما هؤلاء فلهم رأى آخر يتبع المذهب الغربى فى قلة الحياء
بارك الله فيك
دمت بكل خير

مسلمة حرة يقول...

إبنتى الحبيبة إسراء
ربنا يبارك فيك وفى غيرتك ياحبيبتى
فعلا حسبنا الله ونعم الوكيل
أنا سوف أقتبس كلامك الجميل
أهلا بالحياة اللى تخلينا نضاف ومحترمين ونرضى ربنا
هو ده فصل الخطاب
ربنا يثبتك ويحفظك من كل سوء يارب

مسلمة حرة يقول...

أفروديت
اهلا وسهلا إيه الغياب الطويل ده
حمد الله على السلامة نورتينى
حبيبتى ... كل يغنى على ليلاه
يعنى (المقولة ديه من عندى) قولى ماذا يهمك أقل لك من أنت
إهتمامات كل إنسان تدل على شخصيته وهو ده مبلغها من العلم
تحياتى لك

مسلمة حرة يقول...

أستاذ إبراهيم رزق
أهلا بك
بجد قلت ما قل ودل
تحياتى لك

مسلمة حرة يقول...

أستاذ ماجد القاضى
لأ بجد لأ ... إنت مش حلو من جوه
يعنى فيها إيه لو تسيبنى أعيش فى الوهم لمدة 24 ساعة بس
ده أنا لسه عارفة الخبر النهاردة الصبح
يطلع على آخر النهار خبر فشنك
إيه كل التصريحات ديه؟؟؟؟ظ
أنا دخت من التصريحات والله
كل التصريحات ديه عشان ينفوا عن أنفسهم تهمة (الفضيلة)
طيب والله خسارة فيهم إنى إحترمتهم الكام ساعة دول بجد خسارة فيهم سوف أستغفر ربى على حسن ظنى بهذا الغير شريف
بلبلة وتخلف ومغرض وعبث وإجهاض وحجب حرية وتدمير تراث !!!!!
كل الكلام الكبير ده عشان مجرد التفكير
بالخطأ فى حذف مشاهد مخلة
حسبنا الله ونعم الوكيل
مش عارفة إمتى القطاع ده كله ينضف من الأشكال ديه وربنا يتوب علينا منهم بقى
شكرا أخى الفاضل على التنبيه إنى ظلمت الراجل وربنا يبارك فيك ويعزك يارب

الاحلام يقول...

لو ضاع الحياء من الانسان فسوف يفعل ما يشاء .
الحزن يملاء قلبى اختى الكريمه فوالله من زومن بعيد ونحن اطفال كنا نستحى من مشاهد الافلام بمجرد ان يكون الحوار فيه كلمات الحب فما بالك من لقطات بها قبلات وغيرها انى اتاسف من جراء هذا فمن هذه التى تربت على هذه الافلام ولا توجد مشكله عندها فاين انتى من الله يا امة الله
تقبلى تحياتى الاحـــلام

مسلمة حرة يقول...

أستاذ فاروق فهمى
آه والله ياأخى أين هو حكيم النفوس ده
دلنى عليه يمكن يقدر يعالج الأشكال ديه
ومستعدة أدفع فاتورة العلاج على حسابى عند حكيم النفوس
دول عايزين حكيم تيسوس
تحياتى لك أخى الكريم

مسلمة حرة يقول...

أخى سواح
ياشيخ حرام عليك
أول مرة تتفق معايا !!!!
تعرفنى من حوالى سنة إلا شهرين وأول مرة تتفق معايا .. لأ بجد زعلتنى قوى
على العموم بلاش تفرح قوى عرفنا من أخونا ماجد إن الراجل العيل رجع فى كلامه تانى
ياريت تسحب التحية بتاعتك لأنه لا يستحقها وإبعت له بدل التحية حاجة تانى ويارب لا تكثر من أمثاله
بارك الله فيك
أهم حاجة إننا إتقفنا أخيرا
ويارب نفضل متفقين
تحياتى لك اخى الكريم الفاضل

مسلمة حرة يقول...

أخى بن الإيمان
أنا قلت (محترمة)؟؟؟؟ أنا قلت كده؟؟
لأ طبعا ما حصلش
المعنى فى بطن الشاعر
وبعدين ليس بعد الكفر ذنب
هذه الريم ليست مسلمة من الأصل (ربنا يهديها)
وبعدين هو فيه أى مذيعة عندنا من المشهورات فى البرامج الشهيرة ينطبق عليها هذا الوصف ؟؟؟
حقيقى لا أظن
وده رأيى المبنى على قناعة خاصة مافيش ولا واحده منهم قلبها على دينها أبدا لم أشعر بهذا ولا مرة من أى مذيعة للأسف لهذا نفسى يجمعوهم كلهم فى ميدان عام ويرجموهم بالأحذية والشرابات كمان

اخى تكلم مصرى كما يحلو لك ولا تخاف الخطأ سوف نصحح لك .. واضح إن أختنا ماجدة فعلا خوفتك من اللهجة المصرية
كلمة هيافة صحيحة وهى الهدف الأساسى والأسمى الذى يبحث عنه الإعلام المصرى منذ نشأته ويمكن تضيف إليه تعبيرك (الفلتان) سواء دينى أو أخلاقى كله موجود عندنا فى الإعلام لا تقلق ده غير الكذب والتزوير وتشويه الحقائق
أخى عافاك الله من ضغط الدم دول فى النهاية شوية (بشر) زى ما قلت وأنا عارفة قصدك إيه كويس :) :) :)
شفت التصريحات وحلاوتها
البعدا .. ربنا ينتقم منهم
تحياتى لك أخى
وأرجوك بلاش تزعل نفسك
عندنا فى مصر بيقولوا (اللى يعيش ياما يشوف)

مسلمة حرة يقول...

الأحلام
أخى الكريم
ده كان زماااااان على رأى مارى منيب
لكن إن شاء الله يرجع تانى طول مافى ناس عايزة الحياء والدين والفضيلة لازم الأخلاق الإسلامية ترجع تانى تضبط حياتنا
آآآمين
تحياتى أخى الكريم

بلال عادل رجب. يقول...

سلملى على الليبراليه والعلمانيه والملوخيه والشيوعيه .. واللى ..

سواح في ملك اللــــــــــــــــــه- يقول...

اختي الحرة
هههههه الظاهر ان اسم الشريف ده
خاصة في الاعلام بييجي بالعكس
صفوت الشريف
وبعدين سامي الشريف
وبعدين مستقبلا هيبقي عمر الشريف
تحيتي

مجداوية يقول...



السلام عليكم

هههههههه
عجبني أوي عنوان التدوينة
ريم عايزاها مناظر على طول
شقية البنت دي
ماهي قلة الأدب الأيام دي بيسموها شقاوة
زي كل حاجة محرمة سموها اسم آخر لاعطاء الشرعية لها
البوس والأحضان أفلام ثقافية وتحضر وتنوير ولحق لركب الحضارة لكن حذفها تخلف وظلام وتورا بورا

أنا زيك بالظبط ملحقتش أفرح بالخبر

لكن مش مهم طظ فينا ) ( فيا يعني ), المهم ريم مبسوطة :)

انطبق عليهم قول الله تعالى:

"أخرجوهم من قريتكم إنهم أناس يتطهرون"

صدق الله العظيم


مسلمة حرة يقول...

بلال عادل رجب
ممكن تسلملى كمان على المهلبية هههههه
بالمرة يعنى
أهو كله بالتقلية
سلامى لك أخى الكريم

مسلمة حرة يقول...

أخى سواح
هههههه
بجد ملحوظة ذكية
يظهر إنهم بيتوقعوا مقدما إن إتجاههاتهم غير شريفة بالمرة وعشان كده بيعوضوا النقص ده فى الأسماء اللى مش على مسمى
وعلى رأى الدقن أحلى من الشرف مافيش
تحياتى أخى

مسلمة حرة يقول...

أختى ماجدة
بجد ضحكتينى جدا على موضوع الشقاوة ده
ههههه عكروته قوى البنت ديه فعلا
وماله ياستى طظين فيا أنا كمان
المهم الكتاكيت الحلوين دول يبقوا مبسوطين ومش مهم دمنا إحنا يتحرق
تحياتى لك غاليتى

Related Posts Plugin for WordPress, Blogger...